Movement per l’Escandilhament Volontari de l’Umanitat

VHEMT

“Que poscam viure longtemps e desaparéisser”

La desaparicion progressiua de l'espècia umana mejançant lo cessament volontari de la reproduccion permetrà a la biosfèra terrèstre de recuperar la salut. La manca d’espaci vital e l’escassetat de recorses se resolveràn a mesura que redusirem la nòstra densitat.


Aragonés | Asturian | Belarusian | Català | Chinese | Corsu | Czech | Dansk | Deutsch | English | Español | Esperanto | Français | Hebrew | Ido | Interlingua | Interlingue | Italiano | Latin | Lingua Franca Nova | Nederlands | Norsk | Occitan | Polski | Português | Romanian | Russian | Slovensky | Suomi | Svenska | Turkish | Universalglot | Volapük


Lo Movement per l’Escandilhament Volontari de l’Umanitat (MEVH) es pas una organizacion, mas un movement social sostengut per de gents que se preocupan per la vida sus la Tèrra. Sèm pas un grop de misantropes e antisociales, o inadaptats malthusians que gaudisson amb las catastròfas que afèctan a l’umanitat. Pas brica. L’escandilhament volontari de l’umanitat es una alternativa umanitària a las catastròfas umanas.

Nos consacram pas solament a insistir sus la manièra que l’espècia umana agís coma un parasit egoïsta e immoral sus la superfícia ancianament sana d’aquela planeta. Aquel negativisme resòlv pas los orrors inexorables causats per l'activitat umana. Mai lèu, lo movement ofrís una alternativa encoratjant a l’irracional espleitacion e destruccion de l’ecologia terrèstre.

Coma sabon plan los volontaris del movement, l'alternativa optimista a la desaparicion de milions d’espècias animalas e vegetalas es l’escandilhament volontari d’una sòla espècia: l’Homo sapiens… ço es nosautres.

Cada còp que quauquarrés de nosautres decidís pas apondre mai d'èssers umans als milions qu'ocupan ja aquela afligida e superpoblada planeta, un nòu rai d'esperança brilha en la tenèbra.

Quand totes decidiràn daissar de se reprodusir, la biosfèra terrèstre recuperarà la siá anciana glòria e la rèsta d’èssers seràn liures per viure, morir, evolucionar e desaparéisser benlèu, coma an ja fach fòrça “experiments” de la maire natura al cors dels tempses. L’ecosistèma de la Tèrra, aquela forma de vida coneguda ja per fòrça coma Gaia, recuperarà alavetz la salut.

Cal que totes i participam.

PaleyOccitan
Diboish de Nina Paley

Parlatz seriosament?

Fòrça veson umor dins lo movement e creson que parlam pas seriosament sus l'escandilhament volontari de l'umanitat; mas malgrat la seriositat de la situacion e del movement, i a tanben luòc per l'umor. En realitat, sens umor, las condicions de vida sus la Tèrra son insuportablement deprimentas; un pauc de leugieresa mitiga la gravetat de la situacion.

Vertat es que lo rapid escandilhament de la fauna e la mòrt de 40.000 enfants cada jorn son pas causas divertidas, mas ni rire ni plorar càmbian pas res. Perqué nos divertir pas mentre trabalham per un mond melhor? D'autra banda, retornar la Tèrra a la siá esplendor naturala e metre fin al patiment innecessari de l'umanitat son d'idèas positivas: a pas sentit se daissar abatre.


Los volontaris espèran aver succès?

Los volontaris del MEVH sèm realistas. Sabèm plan que veirem pas jamai lo jorn que l'òme desapareisserà de la Tèrra. Las nòstras perspectivas son a long tèrme.

Òm a suggerit que i a solament doas possibilitats que totes se fagan volontaris e daisson de se reprodusir: minima e cap. Mas quitament se las nòstras possibilitats de succès foguèsson solament d'una entre cent, nos caldriá ensajar. Abandonar e daissar l'umanitat seguir lo sieu camin seriá una decision fòrça injusta.


© 1996 - 2015 Les U. Knight. Reproduccions autorisadas per tòca non lucrativa.