Muf pro Dadead Libavilik Menefa

VHEMT

“Kanobsöd lifön luno e nepubön”


Dadead progedik menabidäda dub nosikam libavilik motama odälonon lifeme talik getuvön sauni. Lifaspadidef e medidef osoulons ven oläsiköbs.


Aragonés | Asturian | Belarusian | Català | Chinese | Corsu | Czech | Dansk | Deutsch | English | Español | Esperanto | Français | Hebrew | Ido | Interlingua | Interlingue | Italiano | Latin | Lingua Franca Nova | Nederlands | Norsk | Occitan | Polski | Português | Romanian | Russian | Slovensky | Suomi | Svenska | Turkish | Universalglot | Volapük

Muf pro Dadead Libavilik Menefa binon muf, no nogan. Binon muf pestütöl fa mens, kels kälons lifi su Tal. No binobs anef malthusimanas nelönëdik, menahetik e tasogik, kels lejuitons malädofiko ven katastrofs flapons mens. Nos binos foginikum verate. Deaded libavilik menefa binon menätik conod lü katastrofs menik.

No vilobs spikön tefü vio menabidäd eklülädon okiälik, nensüdöfik parasit su plen föro saunik planeta at. Negat soik dajonon tuvedoti nonik lü lenauds nenkeliedik, kelis dunam menik kodon. Buikumo, muf magon conodi kuradükik lü tufrutidam kruälik e ludäm fulik köologa talik.

Äs ga sevons libaviladünölans mufa, conod fredimik lü nepubam bidädas balions nimik e härbatimik binon dadead libavilik bidäda bal: Homo sapiens… obs.

Alna ven ek buadon no läükön dabinäbi pluik lü balionans, kels kumikons su dädik planet at, nulik radion spela glimon in dag.

Ven valans obuadons ad nosikön fatön, odälobs lifemi talik gegivön lü magif büik ok e dabinäds retik obinons libik ad lifön, deadön, volfön e ba nepubön, äs mödiks “sperimänts” Nata edunons ve tim. Valans sotobs kompenön.

parkervolkapuk

Spikols-li fifo?

Mödikans logons vimi in muf e kredons, das no spikobs fifo tefü dadead libavilik menefa. Ab to fef e topeda e mufa i dabinos plad pro vim. Jenöfo, nes vim, stad lifa su Tal vedon nekrevodo nenkuradükik. Bos läcera nepluükön grodi topeda.

Fe dadead vifik sovadilifa e dead cilas degmils no binons dins muadik, ab ni smil ni pid ceinons seimosi. Ga kanobs bos muadikön du vobobs pro gudikum vol.

Zuo, gegivön Tale magifi büik okik e finükon doli nezesüdik menefa binons tiks fredükik. No labos siäm nenkuradikön.

Libaviladünölans spelons-li plöpön?

Libaviladünölans mufa binobs jenöfik. Sevobs, das neai ologobs yeli, vem no odabinons mens su Tal. Zeil obsik binon tüpü lunüp.

Äsagoy, das binons te fäds tel ad valikans libavilo ostopons fatön: nemuik e nonik. Fät binon bo ta kiped lifa su Tal, ba büad nosikön fatön bionon plu koräkün südo. Jenöfo, luverat misekobsöd ad vitön blögdeadi, keli menef jäfon ad trigön binon kod go gudik ad no deimön ad lifön dabinani nulik.

Igo if fäds obas ad plöpön pebinonsöv te bal su tum, pesötobsöv blufön. Sufodön e leadön menefa dugolön vegi okik pebinosöv läcer. Yül binon tu gelilik.

Mufi kanoy lecedön plöpik alna vem anan pluik slopon lü obs pro büadön no plu fatön.

Kisik binon-li staned calöfik mufa?

Bi Muf pro Dadead Libavilik Menefa no binon dabinäd lifik e labon üfo ni breini ni mudi, no kanon sumön stanedis u labön cedis. No kanon kompenön ko bespiks, sagön menes kisi dunön e tikön ni getön cügiflapi demü atos. Dadead Libavilik Menefa binon te tikäd ad läükön lü kredsits nunik, no komplitik kondötkot, su kela stab lifön. Komitet nonik büadön stanedi, keli mutons labön votikans.

Libaviladünölans muik zepons filosopi komulon fa devid “Kanobsöd lifön luno e nepubön”, ab if ek no vilon lifön luno etos binon dinäd ona. Voiko, stip balik paflagöl ad vedön libaviladünölan u stütan mufa binon no läükön dabinädis pluik lü pöpam. Pär kanomsöv spetön cili e büadön ad slopön lü muf. Dabinäd nulik ut binonöv lätik, keli sivomsöv ini vol. Stutänds no binons fümo gönik dadeadi menefa, ab ga baicedons, das neki pluik sötonöv binön pesivöl ini vol nutimo.

Libaviladünölans binons so distöfik tefü leceds obas dö rel, bolit e filosop, das binosöv taskilälik primön fomülön stanedi calöfik pro muf. Prüdobsöv lesetis. Al spikon ito.

Kitimo e kimodo eprimikon muf?

Radigs mufa binons so dibik, äs jenav menefa. Mögod pro muf pro dadead menefa dabinon sis mens dabinons. Ven rufats obas gladatimäda äyagons nimis jüs dadeadam, nemu bal omas emuton murön ko bluv. Ven Zemun Flufökik evedon däsärt e Zeads Libanäna pisakrifons ad bumön temi, ek fümiko etikon: “Atos smelön badik”. Ven romänans änulüdons lampöräni okik setirädölo medi se zons nilik e fagik, fümiko ek eküpeton “humanus non gratis”*, u bosi sümik. Ek emuton labön nügivi, das planet binonöv gudikum nes lemödot at so jäfadik. Ek, klüliko, kel no äbinon God di Zelofüdänan Yahve/Alah. Vönaoloveikod konon das, ün rutim, god et edasevon pöli okik jafön menis e evilon moükön omis, ab ün timil fiba esavon famüli ko sons. Hö! (Genesis, 6:5-6).

Obs nemobs oni Muf pro Dadead Libavilik Menefa, ab nendoto älabon nemis votik ün vön. Nonik piregistaron, bai sev obsik.

Mutos dabinön milats, if no bilions menas in vol, kels lükomons livätiko lü kludi ot. Dil gretik libaviladünölanas nuik äbinons dadeamans ya bü nolön mufi.**

Rigi veratik mufa kanoy tuvön in bundan natik löfa e tikava, kel dabinon in valikans. Sien lönanatälik oba dö gid dugon obas sumön väli gididik.

* Mens no binons benokömaglidik.
** Ob binobs jenet bal obas.

Kimodo kanob yumadön?

Limön mufa binon tikmod. Val, kelosi mutons dunön ad yumadön mufi binos fölön väli no fatön. Pro anikans atos kanos binön büad fasilik ad sumön. Pro votikans binos din pülik. Ab pro mödikans, yumadön mufi sinifos mekön levemik sakrifi pösodik.

Muf pro Dadead Libavilik Menefa no binon nogan, so zesüdoy pelön slopafrädi nonik ad kosididön calanis. Binobs balions pösodas, al dunöl utosi, keli kredon gudikün.

volapukflag

Creative Commons License
Les U. Knight

Pläsif notedons taädi, kipäds plada at gebidons dis
Däl Creative Commons Dasev 3.0 Lamerikän..
Saitolös eli vhemt.org.