Move per la Estingui Volente de la Umanas

VHEMT

“Ta ce nos pote vive longa e desapare”


La estingui progresiva de la spesie umana par la sesa volente de la reprodui va permete a la biosfera teran recovre se antica brilia. La manca de spasio de vive e la nonsufisiensa de recursos va solver se en cuando nos deveni min densa.


Aragonés | Asturian | Belarusian | Català | Chinese | Corsu | Czech | Dansk | Deutsch | English | Español | Esperanto | Français | Hebrew | Ido | Interlingua | Interlingue | Italiano | Latin | Lingua Franca Nova | Nederlands | Norsk | Occitan | Polski | Português | Romanian | Russian | Slovensky | Suomi | Svenska | Turkish | Universalglot | Volapük

La Move per la Estingui Volente de la Umanas es un move, no un organiza. Lo es un move sosial creada par persones ci se preocupa per la vive sur la Tera. Nos no es un grupo de malthusanes mal ajustada, misantropial e antisocial, ci senti un placer morbosa a cada ves cuando la desastres colpa la umanas. No cosa pote es plu distante de la vera. La Estingui Volente de la Umanas es un alternativa umaniste a la desastres umana.

Nos no vole parla sur como la spesie umana ia mostra ce lo es un parasito egoiste e imoral sur la fas a otra tempos sana de esta planeta. Un tal negativia ofre no solve a la terores nonevitable cual causa la ativia umana. En loca, la move presenta un alternativa comfortante a la esplota cruel e a la destrui intera de la ecolojia teran. Como sabe la Bonvolores de la move, la esperante alternativa a la desapare de miliones de spesies animal e vejetal es la estingui de un sola: la Homo sapiens… nos.

A cada ves cuando algun deside no ajunta plu umanas a los ci ja se acrupi sur esta ruinada planeta, un otra raio de espera brilia en la oscur. Cuando cada umana deside para de reprodui se, la biosfera teran va recovre se antica brilia e la resta de creadas va es libri per vive, mori, evolui (si los crede a la evolui), e cisa va desapare, como tan multe “esperimentas” de la natur ia fa tra la tempo.

visualize
Desinia de Nina Paley

Esce vos parla seria?

Multes vide umor en la move e crede ce nos no pote parla seria sur la estingui volente de la umanas. Ma an si la situa como la move es cosas seria, ance ave loca per la umor. En fato, sin umor, la state de la Tera ta es nontolerable depresante. Un poca de nonseria diminui la seria de la state.

Lo es vera ce la rapida estingui de la vive savaje e la mori de miles de enfantes no es cosas joiosa, ma no la rie no la plora va pote cambia lo ce aveni. Per ce no diverti nos en cuando nos labora e jua per un mundo plu bon?

Plu, redona a la Tera se antica brilia e fini la sufri nonesesa de la umanas es ideas positiva. No ave sensa depresa se.

Esce la Bonvolores espeta susede?

Nos la Bonvolores de la Move es realosa. Nos sabe ce nos nunca va vide la dia cuando no va ave plu umanas sur la planeta. La gol de nos es a multe longa terma.

On ia sujesta ce sola esiste du probables ce cadun deside volente sesa reprodui se: poca e no cosa. La perspetivas pare contra la conserva de la vive sur la Tera, ma la deside sesa reprodui se es ancora la plu justa de un punto de vista etical. En fato, la probable ce nos fali en evita la masacra ce trama la umanas es un bon razona per no condena a la vive nun plu.

An si nos probables de susede ta es un entre sento, nos ta debe proba. Nos no pote abandona e lasa la umanas segue se curso. On risca multe.

La Move pote considera se un susede a cada ves cuando algun deside volente lasa reprodui se.

Esce la Move ave enemis?

Pos vide sentos de series televisa do la carater bon fini con la mal, lo es tenta regarda la mundo real par la mesma modo de pensa stupide e maniste. Nos pote xerca un enemi per ataca per defende nos justa causa, ma en fato ave no carater mal en esta istoria.

A fini, la vera “enemis” es la avaria, la iniora e la opresa umana. Nos pote ateni plu si nos promove la jenerosia, la sabe e la libria ca si nos combate un enemi imajinal.

On va fa grande progresas a la boni de la cualia de la vive teran oposante la seria a la avaria, la instrui a la iniora e la libria a la opresa.

En loca de encontra nos sur la strada con la males a la mediadia e intercambia xutas como en la filmas de la ueste, per ce no invita les a la bar per xerca solves en junta?

Cual es la posa ofisial de la Move?

Car la Move no es un esente vive con serebro o boca, lo ance no pote prende desides o ave opinas. Lo no pote partisipa en discutes, dise a la popla lo ce lo debe fa o pensa, no reseta un colpa con punio per fa lo.

La estingui volente de la umanas es sola un idea per ajunta a la presenta sistemes de credes, no un complicada codigo de condui. Ave no comite cual deside cual es la posa ce debe adota cadun.

La plu Bonvolores de la Move aproba la filosofia espresada par la slogan “Ta ce nos pote vive longa e desapare”, ma si algun no vole vive longa, esta conserna el. En realia, la sola esije per deveni Bonvolor de la move es no ajunta plu umanas a la popla.

La Bonvolores es tan diferente regardante se puntos de vista sur relijio, politica e filosofia ce comensa formula posas ofisial de la Move ta introdui un elemento de divide. Garda vos contra la dogmas. Cadun parla per se mesma.

Cuando e como ia comensa la Move?

La radises de la Move es tan profonda como la istoria umana. La potensia per un move per la estingui de la umanas ia esiste de cuando ave umanas. Cuando la umanas de la Eda Glasial ia xasa animales asta la estingui, es probable ce a la min un de nos asendentes ia razona con confusa.

En cuando la Cresente Fertil ia deveni un steril deserto e la sedros de Liban ia es sacrificada per construi temples, algun ia debe pensa “Ca promete no cosa bon”. Cuando la romanianes ia nuri se impero estraente recursos de zonas prosima e distante, serta algun ia esclama Humanus non gratis, o alga cosa simil.

Algun ia debe ave la idea ce la planeta ta es plu bon sin acel manada interferor. Algun, esta es, ester la dio media-este Iave/Ala. Dise la tradision ce, en la tempos preistorial, acel dio creor ia persepi se era fa la umanas e le ia se disposa fa los desapare de la tera, ma en un momento de debilia le ia salva un familia con fios. Op! (Genesis 6:5-8).

Nos clama lo Move per la Estingui Volente de la Umanas, ma sin duta lo ia ave otra nomes en la pasada. Seguente lo ce nos sabe, no nome entre aceles ia es rejistrada. Debe ave miles, si no miliones de persones en la mundo, ci ariva en modo autonom a la mesma conclui. Un grande parte de la Bonvolores presenta ia es estinguistes convinseda ante oia parla sur la Move.

La vera orijin de la Move pote trova se en la abunda natural de ama e lojica cual ave en cadun de nos. Nos sensa inata de la justia gida nos a prende la plu seria deside.

Ci es la fundor?

Nun es la fundor de la Move. Les U. Knight, un activiste american, ia dona la nome de Move per la Estingui Volente de la Umanas a un filosofia o conseti de la mundo ce ia esiste de cuando la umanas ia comensa pensa. Lo es un sabe a la cual on ia ariva en modo autonom en alga locas de la mundo tra la historia, ma cual ia se perde entre la pronatalisme de la sosia.

Como miliones de persones, Les U. Knight ia segue un simple seguensa lojical e, gidada par la ama, le ia ariva a la conclui ce la Tera ta es multe pli bon sin la umanas. Le pote es considerada como un descovror ci ia identifia la move e ia dona lo un nome, an si cadun trova la vera par se mesma.

An si Les es internasionala conoseda como representor de la Move, nun pote parla en nome de tota Bonvolores. Ave no posa ofisial sur cosa ce vade ultra lo ce on pote dedui par la nome de la move.

Nos ave fios. Esce nos pote junta ancora?

Natural. Vos no va es la sola. Cuando la persones adota la perspetiva de la estinguisme volente, los deside no ajunta plu membros a la actual familia umana. Los no presa se fios ce los dona netos a los e an pote coraje los a prende un deside seria sobre se fertilia.

La enfantes de oji es la destina de doman. Nos enfantes ave la potensia per oteni la sabe nesesa per cambia la dirije de la sivilia e comensa recovre la biosfera teran. La plu de los pote profita nos ajuda per developa tota se potensia.

Ave no razona per senti se culpable per la pasada. La culpablia no gida a solves positiva. La fato es parte de la move have no cosa a vide con la pasada. Es la futur de la vive teran lo cual la Bonvolores vole conserva.

Esce ave algun ci se oposa a la Move?

A prima vista, algunes pensa ce la Bonvolores e Suportores de la Move debe odia la popla e vole ce tota se suiside o es vitima de omisides coletiva. Es fasil oblida ce un otra modo redui la numero de umanas es sola lasa reprodui nos. Ave fios pare un punto sieca en nos perspetivas de vive.

La idea ce tota pote absteni nos volente de reprodui nos es multe veces refusada sin multe considera. Per esemplo:
• “La popla va ave relatas sesal, on no pote evita acel”;
• “Reprodui se es un instinto umana”;
• “Me adora la enfantes”;
• “Algunes debe reprodui nos car nos es plu bon ca la otras”;
• “La umanas fa parte de la Natur”.
• … e tal cosas.

An tal, si algun refleta sufisinte e se disturba per vade ultra la ideas socialment implantada cual impedi pensa con claria, el pote ariva cuasi a la mesma conclui: nos debe desapare volente e progresiva per la bon de la umanas e de la planeta.

Natural, la Move es contra la estingui nonvolente de cualce spesie e contra cualce stratejia nova cual defende la mata de la umanos. A esta dias on fa ativias organizada per esta du terores. Per esemplo:
• produi e usada de armas;
• produi de sustantias nosiva, como petrocimicas e sustantias nuclea;
• esplota de recursos umana e natural;
• promove de la faxisme reproduosa;
• … e tal cosas.

Lo de supra on ta pote clama Move Teroriste per la Mata de la Umanas, ma esta ta es eticeti e promove un disposa de compete.

La Move es contra lo cual fa acel popla, ma es poc probable ce algun se preocupa de tornar la favore. En fato ave no multe sensa oposa se a un move volente, ce feri a nun e benefica a tota.

Como me pote junta a la Move?

Parteni a la Move sinifia comparti nos modo de pensa. Tota cual tu debe fa per junta es prende la deside no reprodui tu de aora. Per algunes, esta es un deside fasil a prende. Per otras lo es un cosa nonpertinente. Ma per multes, junta la Move sinifia fa un enorme sacrifia personal.

La Move no es un organiza, per cual cosa ave no paia de parteni. Nos es miliones de persones, cada un fante en modo autonom lo cual nos considera ce es la plu bon.


Creative Commons License
Les U. Knight

Eseta si on indica la contra, la contenis de esta loca es disponable su
Creative Commons Llisensa Creative Commons Reconose 3.0 Statos Unida..
Atribui copias a vhemt.org.